NGA vawi 11-nain a rel angin, ni 27 April 2022 khan Anta leh Kumsumguda biak in hawnna neih a ni a, biak in hawnna ah hian Upa Laltlanthanga President SCI, Rev.Dr.R.lalsangzuala, SAO, Upa Ch.Lalnunchama NEC member leh Upa Robert Lalrinawma NEC Member te an kal.  Suresh Hial, Co-ordinator Odisha mission field nupui neihna ni 28 ah an hmanpui hnuin, Ni 29.April 2022 (Zirtawpni)ah Kusumguda kohhran biak in hawnna Upa Robert Lalrinawman NEC-in a nei a, biak in Pathian hnena hlanna Rev.Dr.R.Lalsangzualan a nei.

          Ni 30 April 2022 (Inrinni) khan Anta kohhran biak in hawnna Upa Ch.Lalnunchama NEC-in  neiin, Biak in Pathian hnena hlanna Rev.Dr.R.Lalsangzuala, SAO in a nei a, Upa Laltlanthanga President SCi in Pathian thuchah a sawi. May ni 1 2022 (Pathianni) ah Upa Laltlanthanga President, SCI in Andhra Pradesh Mission field hawnna neiin Pathian thuchah nung tak neiin, inkhawmhona leh Lalpa zanriah Sacrament kilhona an nei.