Chhandamna Kohhran kum 10 tlin lawmna kal zelah June ni 19 atanga ni 22, 2025 chhung khan Koraput District, Odisha leh Anakapalli District, Andhra Pradesh-a Chhandamna Kohhran (Salvation Church of India) Mission Field-ah te Kohhran kum 10 tlin lawmna leh Crusade neiin hun hman a ni a. Pathian Thlarau Thianghlim hnathawh nasa takin a thleng a ni.
He hunah hian Odisha Mission Field kum 9 tlinna leh Andhra Pradesh Mission Field kum 7 tlin lawm nghal a ni bawk. Chhandamna Kohhran Revival Speaker,  Evan. P.B. Zonunmawii chu speaker niin inkhawm apiangin mamawhtute tan tawngtaina hun a hmang thin a. Mi thahnem takin damna an chang a, Odisha-ah hian ring thar pakhat Rev. Dr. R.Lalsangzuala’n baptisma a chantir bawk.
Tun dinhmunah Odisha-ah hian kohhran paruk ding tawhin thawktu panga an awm a,  Andhra Pradesh-ah hian thawktu pahnih awmin kohhran pahnih a ding tawh bawk a ni. Odisha-mi pastor pakhat awmin state pahniha kohhrante hi kaihruaiin rawngbawlna kalpui mek a ni.
He hun hmannaah hian Chhandamna Kohhran-16, Presbyterian-1, Fundamental Baptist Church-1, Baptist Church of Mizoram-1 leh Salvation Army-1  kalin Upa Dr.H.Lianzela, President, Upa Laltlanthanga, Vice President leh Upa Lalawmpuia Khiangte, General Secretary & Senior Administrative Officer ten crusade-a fehchhuakte hi an ho a ni.