Ni 13.05.2026 Thawhlehni zinga Thadou Baptist Association India kohhran hruaitu rawngbawla an zin haw lam chu hel pawl silai kengten an lo lambun a, he inlambunnaah hian a hmunah Pastor pathum Rev. Vumthang Sitlhou, Rev. Kaigoulun Lhouvom leh Pastor Paogoulen Sitlhou-te thi nghalin an thiante pawh hliam na tak tuarin an awm mek a ni.

Kohhran hruaitute chunga hetiang ang thil duhawm lo a thleng ta mai hi Salvation Church of India chuan pawi a tiin a dem tak zet a ni. Kohhran rawngbawltute tualthihna hi kan tuarpui hle a, Thadou Baptist Association India member-te leh lusun chhungte zawng zawng tan Pathian thlamuanna leh awmpuina kan dil sak e, hliam tuarte pawh an that chhuah leh thuai theih nan duhsakna kan hlan a ni.

Kohhran rawngbawltu mahni invenna pawh nei lote rawng taka thah an ni hi Pathian leh sorkar dan bawhchhiatna a nih avangin hetiang thil hi thleng tawh lo se Salvation Church chuan a duh a, mi sualte hi man chhuah an nih thuai theih nan Manipur leh Central sorkar chu chak taka hma la turin kan phut a ni.