Nimin ni 26.3.2026 chhun dar 12:00 khan Sawleng Chhandamna Kohhran Biak In chu Pathian hnena hlanna leh hawnna huna hman a ni.

Biak In hawnna hi Upa Rosiamhnuna, President SCI-in a hmang a, Rev. Dr. R.Lalsangzuala, General Secretary & Senior Administrative Officer-in Pathian hnena hlanna a nei. Upa Dr. H.Lianzela, Vice President leh Aizawl Area hruaituten lawmpuina thutawi an sawi a, Sawleng Kohhran zaipawl leh Aizawl Area Zaipawl ten Pathian fak hla sain, Kohhran hrang hrang atangin lawmpuina thilpek an hlan bawk.

Biak In hawngtu Upa Rosiamhnuna chuan, ‘Kohhrante inlungrualna leh thawhhona tha tak avangin hun reilote chhunga biak in sakzawh a, hawn theih ani chu Pathian hruaina vang a ni a, belhtlak Pathian a nih zia min hmuh tir zel a ni’ tiin Pathian thuchah a sawi zui a, Pastor Rommel P.Ngente, bialtu Pastor-in Malsawmnaa inkhawm tinin, tlai lamah biak in thar lawmna ruai kilho nghal a ni.

https://drive.google.com/drive/folders/1LFnAU5Rx3zrigY0SLRuDtHXoUXZ8OKj_?usp=sharing