October 18,2026(Sunday) : “Chanchin Tha hi hril rawh u” tih thupui nei a rawngbawlna kalpui mek tu Chhandamna Kohhran (Salvation Church of India(SCI)) chuan an Mission Field State 4 zing a 3- Odisha, Andhra Pradesh leh Assam-ah te Biak In thar 4 hawnna leh hlanna ni 18 October, 2026 (Pathianni) Dar 10:30 AM hian a rualin an nei.
Jeypore, Odisha Biak in thar hi a donor Evan Upa R. Lalmalsawman a hawn a, Mundigudha, Odisha Biak in chu Upa Chalmeh zawna, SCI Treasurer leh National Social, Emergency, Mission & Revival Committee Secretary in a hawn a, Anakapalle, Andhra Pradesh Biak In chu Upa Dr.H.Lianzela, SCI Vice President & Chairman National Social, Emergency, Mission & Revival Committee in a hawng a, Rongmili, Assam Biak in chu Upa Rosiamhnuna President SCI in a hawng thung a ni. He hun hming hian SCI hruaitute leh Dinthar Kohhran SCI Hmeichhe Pawl (SHP) member te an kal a ni.
SCI hian kum 2016 June thla khan ramthar rawngbawlna bul an tan a, bul an tan atangin harsatna hrang hrang tawk nghal in ring thar an neih then khat te phei chuan an chhungkua atanga hnawh chhuah te an tawk hial a ni. State pali – Odisha, Andhra Pradesh, Tripura leh Assam-ah te Ramthar rawngbawlna hi a kalpui mek a, heng hhunahte hian Biak In 7 an nei tawk a. Tuna an hawn te nen hian Ramtharah Biak In 11 lai an nei ta a ni.
Harsatna tam tak kara an Mission Field-a Biak In 11 laia lo ding ta hi Pathian tanpuina vangliau li au niin, Pathian hnenah lawmthu an sawi a. Biak In sak puitlin a nih theihna tura Kohhran chhung leh pawmlam atanga thilpek thu tak hlan tute hnenah lawmthu sawiin Kohhran hote chu bang lova Pathian ram zadhna tura tawngtai chhunzawm zel turin an sawm a ni.
Biak In thar hawn pual hian inkhawm banah Biak In thar lawmna ruai an kil ho vek a, Kohhran mipui, ring tharte leh thenawm khawveng mi thahnem takin he hun hi an limanpui a ni.
Sd/- UPA CHALNEIHZAWNA
Secretary
National Social, Emergency, Mission & Revival Committee
Salvation Church of India(SCI)
